Колледждегі отбасы күні .

Отбасы күні мерекесі қарсаңында, 2026 жылғы 9 қыркүйекте «Аршалы кенті, Агротехникалық колледжі» МКҚК-де «Отбасы — адамзат бесігі» атты психологиялық тренинг элементтері қамтылған сыныптан тыс іс-шара өткізілді.
Кездесу барысында ата-аналар мен балалар бірлескен психологиялық жаттығулар орындап, бір-бірі туралы сұрақтарға жауап берді, өз ойларымен бөлісіп, отбасылық елтаңбаларын жасады.
Мұндай тапсырмалар қатысушыларға бір-біріне жаңа қырынан қарауға, жақындарының қызығушылықтары мен сезімдерін тереңірек түсінуге мүмкіндік берді. Ең бастысы — отбасындағы сүйіспеншілік, сенім, өзара түсіністік пен қолдаудың қаншалықты маңызды екенін тағы бір мәрте сезінуге ықпал етті.