«Ұлттық ойындар – ұлт қазынасы»

18 қыркүйек күні Аршалы кентінің Агротехникалық колледжінде «Ұлттық ойындар – ұлт қазынасы»атты спорттық іс-шара өткізілді. Іс-шараға 1–2 курс студенттері қатысты.

Қатысушылар ұлттық спорт түрлері — тоғызқұмалақ және асық атудан бақ сынасып, ептілік, дәлдік, стратегиялық ойлау қабілеттері мен спорттық рухтарын көрсетті.

Мұндай іс-шаралар студенттердің ұлттық салт-дәстүрлерге деген қызығушылығын арттырып, мәдени мұрамызды дәріптеуге және салауатты өмір салтын насихаттауға ықпал етеді.

Барлық қатысушыларға белсенділіктері, көтеріңкі көңіл-күйлері мен жарысқа деген ынталары үшін алғысымызды білдіреміз!