ҚР МКҚ насихат жұмыстары

21.10.2019 2019 жылдың 18 қазанында «№4 АТК» КММ АӘД оқытушы-ұйымдастырушысы Ауесхан А.Б., ұйымдастырумен еліміздің элиталық әскер құрамында Президенттік «Айбын» және «Батыр» полктарында қызмет етуге шақырған насихат жұмыстары жүргізілді. Аталған насихат жұмыстары колледждің бітіруші топтары арасында , 3 курстың ер балалары арасында өтті. Бұл насихат жұмысының мақсаты жастарды Отанды қорғауға қызықтыру. МКҚ (мемлекеттік күзет қызметі) туралы таныстырылым бейнебаяны көрсетілді. Сондай-ақ АӘД оқытушысы МКҚ қызмет еткен, қазіргі таңда «Айбын» полкында келісім-шарт бойынша қызмет етуші кіші сержант Джамбулов Саянды қонаққа шақырды. Таныстырылым бейнебаянынан соң Саян өзінің жеке қызмет тәжірибесінен айтып берді,сондай-ақ студенттерге ҚР МКҚ қызмет етудің барлық жақсы жақтарын атап көрсетті. Жастар ҚР МКҚ қалай таңдап алу туралы өздерін қызықтырған сұрақтарды қойды. Сұрақтарға Саян нақты жауаптар берді.